بحترم جدا معنى "العشرة"
العشرة اللى تخلى الواحد مطمن للى حواليه ومن اللى حواليه
العشرة اللى تخليك حاسس بالدفا فالعلاقة
تحس ان في وتد بينكم بيثبتكم في بعض مهما زعلتوا من بعض
وكل ماتبعدوا يشدكم تانى لاصل العلاقة الطيب
العشرة اللى بتشيل اى شواءب اول باول بيننا
بس ساعات العشرة دى بتبقي عبء
ابقي مستحملة شخص بس بكل هفواته لمجرد انه عشرة
العشرة السلبية هو انك تعرف حد من وانت صغير مختارتوش
فتكبروا سوا وكل شخصية فيكم تتغير زى ماتتغير وتفضلوا سوا بس مش قادرين تتاقلموا بالشكل الجديد لشخصياتكم
غير صحابك اللى اخترتهم بارادتك وانت كبير
العشرة دى فعلا بتبقي عبء
No comments:
Post a Comment